Badibene neMbila zithutha abaphangi eGqeberha

 Ukusabela ngokukhawuleza kweqela laseGqeberha K9 kukhokelele ekubanjweni ngokukhawuleza kwabarhanelwa abathathu ngoko nangoko emva kokuphanga isibini eMarine Drive, eSummerstrand ngorhatya lwangoLwesine, umhla weshumi kweyeThupha.

Kutyholwa malunga nentsimbi yesine emva kwemini, ipolisa belixakekile lijikeleza kuMarine Drive ngethuba lisiva izikhalo. Emva koko wanqunyanyiswa ngoko nangoko waza wadibana nesibini esamxelela ukuba sasisandul’ ukuhluthwa iiselfowuni zabo ngabarhanelwa abathathu ababexhobe ngemela. Abarhanelwa batsibele kwiteksi eyayime kwisitrato sokumisa.

Eli lungu lamisa iteksi laze labamba abarhanelwa abathathu abaphakathi kweminyaka engamashumi amabini anesihlanu (25) ukuya kumashumi amathathu anesibini (32) ngetyala lokuphanga. Kwafunyanwa iiselfowuni kwaze kwathathwa nemela ebisetyenziswe xa kuphangwa.

Abarhanelwa bazakuvela kwinkundla kamantyi eGqeberha ngoMvulo, umhla weshumi elinesine kweyeThupha.