Kusweleke abantu abahlanu(5) kwingozi emasikizi phakathi kwe Ngcobo ne Khowa(Elliot)

Ngabantu abahlanu(5) abathe baphulukana nobomi babo kwaze konzakala abalithoba(9) ngelixa i Sprinter ebebekhwele kuso siye saphulukana nolawulo saze sabhuquka.

Ingozi eyenzeke kwindlela iSatans Nek Pass kwindlela uR58 phakathi kweEngcobo neKhowa (Elliot) isube imiphefumlo yabahlanu, logama abalithoba befumene ukonzakala okwahlukeneyo. Esi sehlo senzeke malunga necala emveni kwentsimbi yesibhozo ngentseni namhlanje, ngethuba iteksi iphulukene nolawulo yaza yabhukuqa.

I-VW Midbus Sprinter ibinabakhweli abalishumi elinesine(14) ibisuka kwicala laseKhowa (isuka eRüstenburg isiya eMthatha).

Abakhweli abahlanu ngabantu basetyhini ,indoda ekhulileyo enye, kubandakanywa nosana oluyinkwenkwe olunenyanga ezimbini(2)

Abonzakeleyo ngabantu abadala basetyhini abaane(4) abathathu(3)) bakwimeko emaxongo kunye nababini abazimveku, umqhubi ubaleke engenamonzakalo. Abonzakeleyo basiwe kwisibhedlele iAll Saints, uMthatha General Hospital kunye neNelson Mandela Academic Hospital eMthatha naseNgcobo.

Iimeko ezingunobangela wengozi ziphantsi kophando.

Ityala lokubulala ngokungenanjongo livuliwe eNgcobo esiPoliseni.